mutmatal

Narrator: Magandang gabi sa inyong lahat. Ang tagpong inyong masasaksihan ay may pinamagatang MUTMATAL. Malalaman nyo ang kahulugan ng pamagat na ito sa katapusan ng kwento. Ang istorya ay nagsimula isang gabi sa gilid ng boulevard habang nag- uusap ang magkapatid na sina Mutya at Aries.

MUTYA: Kuya, bakit ba wala akong mga paa?
ARIES: Kasi nga kinain ng bampira! Pasalamat ka nga buhay ka pa! Kaya ang Mateo na yan magbabayad sya!
N: Naisuntok ni Aries ang kanang kamao sa kaliwang palad.
MUTYA: Kapatid mo ba talaga ako kuya?
ARIES: Ay, hindi, hindi.., asawa. ASAWA kita. Kaloka. Kuya nga diba?
N: Habang nag-uusap sina Aries at Mutya bigla na lang nagtatatakbong lumabas sa eksena si Desiree at ipinamamalitang.....
DESIREE: Klepto si Mara! Klepto si Mara!
N: Sumunod na pumasok sa eksena si Mara.
MARA: Tumigil ka nga Desiree! Ano ba?
DESIREE: At bakit? Hindi ba totoo na talagang klepto ka?
MARA: Tumigil ka na sabi eh!!
N: Galit na galit na lumapit si Mara kay Desiree. Hinawakan nya ito sa buhok sabay sinampal. Napanganga sa gulat ang magkapatid na Mutya at Aries sa eksenang kanilang nasaksihan.
MARA: Ito ang sayo!
N: Natumba sa sahig si Desiree at napangiwi sa sobrang sakit habang nakataas ang dalawang kamay.
DESIREE: Aray ko po!! Tama na Mara plssss..!!
MARA: Hahahahahahaha!!!! Hohohohohohohohoho!!!!
N: Humalakhak ng humalakhak si Mara. Namimilipit sa sobrang katuwaan habang gumigiling giling, hawak-hawak ang tiyan.
Maya maya ay biglang umusok ang paligid. Halos walang Makita sina Mara at Desiree. Nagulat silang dalawa.
DESIREE: Ano bang nangyayari Mara?
MARA: Ewan ko rin.
N: Naghawak kamay ang dalawa. Naghawak kamay sina Aries at Mutya. Biglang nawala ang usok at unti unting lumiwanag ang paligid. Isang bampirang labas ang pangil ang nakita nilang papalapit sa kanila. Palapit ng palapit habang tumatalon na parang kuneho at bahadyang nakatuwad na wari mo’y akmang sasagupain sila.
MARA: Sino ka? At anong kylangan mo sa amin?
BAMPIRA: Ako si Sam. At naririto ako dahil sayo... dahil sayo Mara...
N: Itinuturo ng bampirang si Sam si Mara ng biglang tumakbo paalis si Desiree sa sobrang takot.
MARA: Dahil sa akin? Bakit, bakit? Anong nagawa ko sayong masama?
SAM: Ikaw... Ikaw Mara... Ikaw ang itinakda sa lahi ng mga BAMPIRA!
N: Litong lito si Mara sa kanyang narinig.
MARA: Ako?
N: Palakad lakad siya habang hawak ang kanyang buhok na parang baliw saka sumigaw sa harap ni Sam...
MARA: Hindi maaari ito! Hindi! Hindiiiii!!!
N: Biglang umasim ang mukha ni Sam. Sobrang bahong-baho siya sa hininga ni Mara... Biglang nagdilim ang paningin ni Sam at nahilo. Hindi siya makahinga. Unti-unti siyang bumagsak sa sahig.
MARA: Sam... SAM! Anong nangyayari sayo?
SAM: Ma-ra.. Maaarraaaa. Aaaang bababaho ng hihihininga moooh... ahhh..
N: Inamoy ni Mara ang kanyang hininga at totoo nga ang sabi ni Sam. Mabaho nga ang kanyang hininga!
Humahangos na biglang pumasok sa eksena sina Amante at Alviera, hawak-hawak ang dibdib.
AMANTE/ALVIERA: Anak! Mara! Anong nangyari sayo? Sinalakay ka daw ng bampira sabi ni Desiree?
N: Tuwang-tuwa sa pagsasalita si Mara. Habang nagtatatalon paikot-ikot sa tuwa.
MARA: Opo! Pero napatay ko po sya! Dahil ako raw ang itinakda. Itinakdang papatay sa kanya.
N: Bigla namang nagtakip ng ilong sina Alviera at Amante. Naglakad sila ng naglakad habang hawak ang ilong paatras. Ng biglang nagsisigaw si Aries.
ARIES: Impostor! Impostor!
N: Biglang napahinto si Mara sa pagtalon at napalingon sina Amante at Alviera kay Aries.
ARIES: Ganap na para malaman ninyo ang katotohanan. Hindi si Mara ang tunay ninyong anak! Narito sa akin ang ebidensya, ang resulta ng DNA Test!
N: At dinukot ni Aries ang lukot na lukot na papel sa loob ng kanyang medyas na nasa kanyang bulsa.
ARIES: Heto! Heto!
N: Pazigzag zigzag, paekis-ekis, na naglakad si Aries habang inaabot papunta kina Alviera at Amante ang papel.
ARIES: Heto! Heto!
N: Binasa nina Alviera at Amante ang DNA Result at gulat na gulat na tiningnan ang kanilang mga sarili. Hinawakan ang isa’t-isa sabay nagsisigaw.
AMANTE/ALVIERA: Hindiii! Hindiiiiiiiiiiiii!!!!!
N: Saka napatingin kay Mutya at sabay-sabay nagsabi sa bawat isang...
AMANTE/ALVIERA: Nasinungaling ka! May lahi ka palang Sirenaah!!!!
MARA: Ano? Hindi totoo yan! Ako ang tunay na anak nina Mommy at Daddy! Ako ang itinakda! Akooooh!!
N: Tuluyan ng hinimatay sina Amante at Alviera, natumba.
Bumangon sina Amante at Alviera.
At natumba ulit.
Si Aries naman ay parang tipaklong na tumalon-talon, gumiling-giling at sumayaw-sayaw ng jumbo hotdog.
Kinarga ni Aries si Mutya, inikot-ikot at iwinasiwas ang buntot kay Mara. Dahan-dahang napasulasok si Mara sa sahig na parang slow mo. Napahawak ang dalawang kamay sa pisngi. Tumingin kina Mutya at Aries. Hanggang sa tuluyan ng nawalan ng malay si Mara.
Patuloy na sumayaw-sayaw si Aries na parang walang kapaguran at umaawit naman si Mutya. Hanggang matapos.... matapos... ang palabas...
Kumakaway-kaway si Mutya at umaawit ng...
MUTYA: Sana’y pag-ibig na laaaang... aaang isipinnn. Sana’y makatotooooooh. Sana’y laging magbigayaaan.... Sana’y laging magmahalan... Saaaanaaay....!
(Kasama si Aries, palabas na umaawit si Mutya, kumakaway-kaway ng entablado. Pagkatapos, sumunod na rin ang iba pang tauhan na hinimatay kanina umexit habang gumagapang palabas ng entablado.)


***MUTYA, MARA, IMORTAL?***